KB Rahoveci ishte fantastik sonte duke arritur të deklasojë skuadrën nga Shkodra “Vllaznia”.
Edhe pse loja nisi e baraspeshuar duke bërë që në dy çerekët e parë rezultati të nderoj pronësinë plot 15 herë.
Skuadra bardhe-kaltër ka ndezur motorët në çerekun e tretë duke u distancuar në rezultat dhe duke pamundësuar shkodranëve të arrijnë rezultatin.
Paraqitje fantastike pati e gjithë skuadra por me lojë u dalluan Fisnik Rugova që arriti të realizoj plot 23 pikë, 9 kërcime dhe 2 bllokada. Debutim fantastik për KB Rahovecin kishte edhe qendra amerikane Makon Mawien duke regjistruar double-double monstruoz me 19 pikë dhe 17 kërcime e 2 bllokada.
TJ Dunans vazhdon me paraqitjet e mira me skuadrën e KB Rahovecit duke regjistruar 17 pikë, 5 kërcime dhe 5 asistime. Musab Mala i papërmbajtshëm në pjesën e dytë ku regjistroi 15 pikë, 6 kërcime dhe 6 asistime. Reggie Jones shtoi 7 pikë dhe 3 asistime. Kapiteni Visar Ejupi në 5 minuta lojë regjistroi 8 pikë dhe 3 kërcime.
Rahoveci kështu arrin fitoren e 5-të në Ligën Unike dhe futet seriozisht në garë për arritjen e Play-Offit./RahovecPost/
