Kandidatja për asamble komunale në Rahovec që vjen nga Lëvizja Vetëvendosje z. Merisa Sharku Vuqitërna, ka prezentuar projektin për ndërtimin e çerdhes në Rahovec.
Sipas saj qyteti i Rahovecit ka nevojë urgjente për më shumë çerdhe, ngase kapaciteti i çerdhes ekzistuese është shumë i vogël.
Më poshtë ju sjellim postimin e saj të plotë në lidhje me problemin e mungesës së çerdheve në Rahovec:
“Shumica e prindërve që janë në marrëdhënie pune kanë nevojë t’i sjellin fëmijët në çerdhe dhe kopshte. Përpos kësaj zhvillimi dhe edukimi i brezave të ardhshëm është përgjegjësi e të gjithë neve dhe në veçanti e institucioneve shtetërore.
Qyteti i Rahovecit funksionon vetëm me një çerdhe publike e cila as për së afërmi nuk ka kapacitet për të mbuluar nevojat e qytetit.
Ne së bashku me kryetarin e ardhshëm Visar Korenicën kemi hartuar planet dhe projekte konktret për mundësin e ndërtimit të çerdheve që do të mbulojnë nevojat e qytetarëve.
Kërkojmë përkrahjen dhe mbështetjen e juaj që këto projekte të bëhen realitet në shoqërin tonë!
Së shpejti projektet e punuara nga profesionistet e fushes do fillojnë inplementimin e tyre dhe ky qytet do filloj lulëzimin e vetë.”
