KF Rahoveci ka njoftuar me krenari dy transferet e fundit që do të jenë pjesë e ekipit për sezonin e ardhshëm, duke treguar përkushtimin për përforcimin e skuadrës dhe përmbushjen e objektivave.
Erduan Ibrahimi dhe Bind Maxhuni janë dy emrat e rinj që do të mbajnë fanellën e Rahovecit. Të dy lojtarët vijnë nga Besa e Kavajës, ku kanë treguar aftësi të spikatura gjatë sezoneve të fundit.
Erduan Ibrahimi, i cili luan në pozicionin e qendrësulmuesit, pritet të sjellë energji dhe efikasitet në fazën sulmuese të skuadrës. Me instinktin e tij për gol dhe prezencën fizike në zonë, Ibrahimi premton të jetë një aset i vyer në rritjen e forcës sulmuese të ekipit.
Nga ana tjetër, Bind Maxhuni, mbrojtësi i krahut, sjell shpejtësi, fleksibilitet dhe aftësi për të mbrojtur dhe sulmuar nga krahët. Kontributi i tij do të jetë thelbësor për sigurimin e vijës mëbrojtëse të ekipit dhe për ndihmesë në krijimin e aksioneve sulmuese.
Me këto dy transferime të rëndësishme, KF Rahoveci synon të forcojë ndjeshëm performancën në fushë dhe të konkurojë denjësisht në sezonin e ardhshëm. Drejtuesit e klubit janë optimistë për ndikimin që këta dy lojtarë do të kenë në realizimin e objektivave dhe progresin e skuadrës.
“Jemi të lumtur të prezantojmë Erduan Ibrahimin dhe Bind Maxhuni si pjesë të projektit tonë. Besojmë se aftësitë e tyre do të kontribuojnë ndjeshëm në rritjen e cilësisë së skuadrës,” u shprehë faqja zyrtare e klubit.
Tifozët e Rahovecit janë në pritje për të parë këta dy lojtarë të rinj në aksion dhe shpresojnë që ata të sjellin suksese të reja për ekipin e tyre të zemrës./RahovecPost/
