Ilir Kërçeli, shef i stafit të kryetarit të Kuvendit të Kosovës, Glauk Konjufca, është përfshirë në debatin që po bëhet lidhur me 100 eurot që Qeveria e Kosovës do t’u jap pensionistëve, punëtorëve të sektori privat, publik dhe studentëve.
Kërçeli tha se ndarja e 100 eurove nuk do të bëhet për ata që e kanë pagën mbi 1 mijë euro.
Edhe pse një informacion i tillë nuk është dhënë nga ministri i Financave, Punës dhe Transfereve, Hekuran Murati, kështu deklaroi Kërçeli.
“Subvencionimi me nga 100 euro, është për ata të cilët paga e tyre nuk kalon mbi 1000 euro.”, ka shkruar ai.
Kryeministri i vendit, Albin Kurti, bashkë me ministrin Murati bën të ditur sot se Qeveria e Kosovës ka vendosur që të ndihmojë qytetarët me një pako ekonomike, nga e cila do të ndahen nga 100 euro.
Poashtu me këtë rast Kurti deklaroi se do të dyfishohen mjetet për personat me asistencë sociale dhe pensionistët./Lajmi.net/
