Qeveria e Kosovës ka marrë vendim që të paguajë specializantët nga muaji janar deri në muajin gusht.
Në paraqitjen e kërkesës, ministri i Shëndetësisë Rifat Latifi, tha se kjo është çështje me prioritet për vendin, duke përmendu edhe ikjen e mjekëve nga vendi.
“Me qëllim të stimulimit të stafit shëndetësor, duke marrë parasysh edhe trendin aktual të migrimit të mjekëve dhe pandemisë, Ministria e konsideron pagesën me vetëfinancim vullnetar si çështje me prioritet për vendin dhe kërkon nga Qeveria që të lejohet realizimi i kësaj mbështetje, prej muajit janar deri në muajin gusht 2022”.
